:: مظلومية الإمام علي عليه السلام ::
عدد الضغطات : 267:: مظلومية السيدة فاطمة الزهراء عليها السلام ::
عدد الضغطات : 265
:: التشيع الحقيقي ::
عدد الضغطات : 481

 
 
العودة   منتديات أبو الفضل العباس عليه السلام > ¤©§][§©¤][ المنتديات الإداريه ][¤©§][§©¤ > أرشيف أبو الفضل العباس (ع)
 
   

أرشيف أبو الفضل العباس (ع) المواضيع المكررة تنقل هنا

إضافة رد
 
أدوات الموضوع تقييم الموضوع انواع عرض الموضوع
قديم 01-28-2010, 09:30 PM   رقم المشاركة : 1
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

4 (( قصائد مكتوبة عن الطفل الرضيع (ع)


بسمه تعالى
عظمـ الله لكم ولنا الاجر في مصاب أبي عبد الله الحسين (ع)


اللهم العن قتلة الحسين ومن رضي عنهم الى قيام الدين

قصيدة مؤثرة جدا
آه ينبلة حرمله اسويتي

آه ينبلة حرمله اسويتي .... شمعه من بيت النبي طفيتي

***************************************
ليش طاوعتي ينبله حرمله ... ليش يانبله سبيتي العايله
ليش متعينيه لبن عقد الوله... وعين عباس الكمر طفيتي
***************************************
سيدج ماعنده غيره ولا شرف ... سيدج يانبله عن دينه انحرف
سيدج مجرم ينبله من أنوصف ... حرمله شنطاج ونغريتي
***************************************
سيدج يانبله تدرينه نذل ... ليش طاوعتي وذبحتي الطفل
من أبوه حسين ماصابج خجل ... بكل وكاحه لمنحره اتعنيتي
***************************************
مادريتي أمه الرباب اتلكته ... شافته مذبوح رد لخيمته
آه ياعبدالله أصرخت من شافته...نجان دم وي الرباب ابجيتي
***************************************
أني لو منج واصل يم الحسين ... جان اسلم وانحنيله مرتين
جان أصيح بصوت ياهل الظالمين ... انه مثل الحر أغير نيتي
***************************************
انه لو منج اصل ليزيد ... وانه يانبله اذبحه من الوريد
وتنكلب أحزانه يانبله عيد ... ليش جمره بكل كلب خليتي
***************************************
أنتي يانبله بقيتي مجرمه ... وانتي صوبتي الرسول وفاطمه
وانتي صوبتي علي حامي الحمه... وكلب كل مسلم شريف اذيتي
***************************************
جن لسان الحال نبله حرمله... شأعتذر عن الذنوب بكربله
يوم تتنصب محاكم عادله ... هناك شنهو العذر ونسالتي
***************************************
هناك اصبر تكول شاهد عالطفوف ... هناك اخزي أهل النبال أهل السيوف
بس اخاف من الرباب اهناك أشوف ...شعتذر لو كالت شسويتي
***************************************
هناك اصيح بصوت لو صار الحساب ... كوم ياملك وفك باب العذاب
وآل أميه بلا سؤال ولا جواب ... حيل اكل للنار لو وجيتي
قصيده في حب عبد الله الرضيع
________________________________________
مهدك يا عبدالله ابروحي يالنايم ما بين اجروحي
روح أمك يوليدي اتلوب
يا النايم ما بين اجروحي
*
عبدالله يا نجمة سحر كل سا تغيب و تبدي
لو أدري ضامي تنذبح جان اعصرت لك جبدي
خليت جفني ابفرقتك يترس دمع و يبدي
يوليدي ما ظل كل أمل بس الصبر ظل عندي
يبني اطيوفك عشت اوياها أنسه الروح و ما أنساها
أصبر لفراقك جم دوب
*
والدك من عندي خذك و آنه الشفت جدامي
يطلب الماي امن العده و ايصيح طفلي ضامي
لحظات لن شفت السهم صابك و نحرك دامي
ناديت يبني شنتظر من دنيتي و ايامي
ظليت أصرخ و أجري المدمع كل شي ايمر عالبال أتوقع
بس افراقك ما محسوب
*
عبدالله جم نبله الدهر بمصيبتك راواني
ما ادري شنهو اللي حصل بين الزمان و بيني
سهرانه عيني ويه النجم ما لحظه نامت عيني
اشما تغفه عيني امن التعب آلامك اتصحيني
و بسهم الصابك ما أدري متصوب نحرك لو نحري
مو نحرك نحري المصيوب
*
حرقتني نار امصيبتك و الدهر غير حالي
شيقول قلب الوالده التفقد ولدها الغالي
سهم القطع نحرك قطع نحري و فجع دلالي
عالمهد محنيه اوقفت و المهد منك خالي
مهمومه و أصرخ آه يبني عذبني امصابك عذبني
عطشان اتموت اشمطلوب
*
عبدالله يبني من شفت نحرك ذبيح امخضب
ظليت النار ابمهج تلهب و تطفه و تلهب
محتاره أبقه اعله ابقه اعله الصبر لو أ جري دمعي و أنحب
و السهم لمن صوبك قبلك دليلي اتصوب
اشلون أقدر أصبر يوليدي و إنته الرايح من بين ايدي
خليت الدلال ايذوب
*
يوليدي محتار الفكر كل سا يمر ابحسبه
و اتحملت من كربله جم نايبه و جم نكبه
ما تطفه نار امصيبتك وسط القلب ملتهبه
آه يبني و آنه اتحيرت بين الدهر و الغربه
لفراقك زادت حسباتي عقبك ما تنشف دمعاتي
و المدمع لجلك مسجوب
تمـــــــــــت
عتاب المحسن
المحسن ينشــــد الزهراء***** ايقلها امنين هالعصـــــرة
يمه من قبل حينـــــــــــي***** طحت اشلـــــون عالغبرة
----------
يا يمه شنه ذنبي يـــــــوم ***** عفتيني علــــــى الأعتاب
ييــمه ما اكتملت أيــــــام***** حملي واسقط اعلى الباب
يا هو الذنب سويتـــــــــة***** بدال المهد مهــدي اتراب
مثلك ما أظنه ايعــــــوف***** مثلي ولا أظن يجــــــــرأ
----------
ييمه من كسر بالبـــــــاب ***** ضلعك وانبت المسمــــار
ييمه من لطم خــــــــــدك***** وخلى بالوجـــــــــــه آثار
وآنا اسقطـــــــــت يا يمه***** لمن هجموا علـــــى الدار
يمه كلهم ايعرفـــــــــــون***** إنك فاطمـة الزهــــــــرة

----------


-------

يمه اسمعتك اتقولــــــــين *****يا فظة انكسر ضلعـــــي
خلف الباب معصـــــورة***** وعني هالبــــــــلا دفعـي
فظة شيلي عني البـــــاب***** بهيده وارحمي وضعـــي
وين الفحل يا فظـــــــــــة***** ايعاين وجنتـــــي الحمرة
----------
وأم الحســــــــــن مألومة***** ودمها ينزف اعلى الباب
ودها اتجاوبه لكـــــــــــن***** ويش اتخبرة من اجواب
اتشوف اعيالها يبكـــــون***** لمن قادوا داحي البـــاب
اندهشت للوصي ينقـــــاد***** ممن خانـــــــــوا العترة
----------
يمحسن لا تزيد اجــروح***** قلبي وارفق ابحالــــــي
بعد النبي يا محســــــــن***** سلبوا نحلتي أو مالـــــي
ذولا الهجموا اعلى الـدار***** همِّ الْيِتْمَوُا اطفالــــــــــي
وآنا اوديعة المختـــــــــار *****آنا فاطمـــة الزهـــــــرة
--------
يمحسن عصرتـــي هذي***** منها ما أظن أسلـــــــــم
يمحسن لا تزيد اللـــــوم***** وتدري بيه أتــــــألــــــم
الكسر ضلعي اولطم خدي***** ومتني اسْـــــوَد واتورم
وإنته اسقطت يا لمحسن***** غصب مني على الغبرة
---------
انت اسقطت فوق اعتاب***** وعبد الله انذبح عطشان
وبابي بالحطب حرقـــوه ***** وبالطف حرقوا الصيوان
وحيدر بالحبل ينقـــــــاد***** وزينب دخلت ابديــوان
وانا انهشمت اضلوعــي***** واحسين انهشم صــدره
----------
تمــــ النقل



 

 

التوقيع

متغيب لظروف صحيه
دعواتكم

   

رد مع اقتباس
قديم 01-28-2010, 09:34 PM   رقم المشاركة : 2
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

افتراضي رد: (( قصائد مكتوبة عن الطفل الرضيع (ع)


عـبـدالله يبني يـالـولـد يـالـغـالـي

مذبوح شفتك بيد ابوك اگبالـي

* * *

عـبـدالله يبنـي او يـا حياتــي او منـــواي

يا نـور عـيـني او ياعـزيـزي او رجـواي

تكـبــر قـلــت يـوليــدي و اتضل اويــاي

و ابيــاهــك امّــك بــالمـحــن متـبــالي

* * *

مـتـبــالــي امـّـــك بــالـمــحــــن و الآلآم

تبـقـــه سـعـيــده تقضـي بــاجــي الايـّـام

لاكــن الــف يــا حـيــف خابــت لـحــــلام

قــضّــت عــمــرهــا بــالحـــزن للتــالـــي

* * *

قضّت عمرهـا بـالحـزن تبچــي اعـلـيــك

تتـذ كّـــر ايـّــام الـّـي بـيـهــــا اتبـاريـــك

تفـرش لك ابوسـط القلـب و اتـناغـيـك

تــدعــي يـحـفـظــك ليـهــا رب العــالــي

* * *

تــدعــي مــن الله يحـفـظــك دايــــم دوم

او لا يــوم يمــدلـّل تشــوفــك مـهـمـــوم

لاچـن خـذاك البيـن مــن عــدهــا اليـــوم

او ضل المهــد مــن بعــد عـيـنك خـالـي

* * *

تـم الـمـهـــد خـالــي او قـلـبـهـا حـزنـــان

عـبــدالله يـــا مــذبــوح يبـن العـطـشـــان

امّـــك ربــاب الــدهـــر ويّــاهـــا خـــــان

دمع الحزن عالوجــن ضـــل ايــلا لــــي

* * *

تـنــدب يعـبــدالله اذا تـــدري اشصـــار

مــن بعــد عـيـنـك سلـّـبــونـه الـكـفـّـــار

و اخـيــامـنــه يوليــدي شـبـّــوهــــا ابنــــار

او سهــم الّي صابك صــابنـي ابــدلاّلــي

* * *

عبدالله الرضيع

* * *

الالي اعليك يبني و المهد خالي

سهم القطع نحرك صاب دلاّلــي

* * *

الالي اعليك عبدالله الولد يبنــي

ما ظنيّت بيك الدهر يفجعنـــي

يبني اعليك زايد نوحي و حزني

ردتك ذخر ليّه و تبقه للتالـــي

* * *

ردتك ذخر ليّه تبقه للايّـــــام

و انه الّي ابوجودك ما اذل و انظام

تالي الامل ليّه يالولــد مـــا دام

و ابسهم المنيّه انصبت يالغالـــي

* * *

سهم الحز رقبتك مكّن اصوابـــه

بالدلاّل يبني و زيّد امصابـــــه

من يسئلني سآئل شنطي اجوابــه

يبني يالولد يا خيمة آمالـــــي

* * *

اهز مهدك كنت كل ليلي سهرانـه

و الشوفتك دايم دوم لهفانــــه

فرحانه ابوجودك كنت فرحانـــه

قوم و شوف يبني اشصاير ابحالي

* * *

من بعدك يعبدالله غدرني البيـــن

مشّوني ابيسر يا ضنوة الطيبيـــن

و سلبوا كل حرايركم ينور العيــن

و اعظم كل مصيبه امصيبة الوالي

* * *

يبني يالولد يالما شرب ميّــــــه

و قبل الماي يبني ضقت المنيّـــــه

بعدك باليسر ما ظل ستر ليّــــــه

ابوك احسين راسه اعلی الرمح عالي

* * *

حقها الوالده لو ونّت و ناحــت

من قتلوا ولدها خرّت و طاحــــت

مذبوح الطفل من منحره شافــــت

و اهيه اتصيح بعدك منهو يبرالي

* * *

مذبوح الطفل و اموسّد الغبــــــره

و امغسّل يويلي ابفيض دم نحـــــره

و امّه اتصيح عمري ايخلّص ابحسره

من اتروح بعدك منهو يبقالـــــي

* * *
عبد الله الرضيع

يبني عبد الله شاهده لحالي

بيا ذنب مذبوح والمهد خالي

* * *

عبد الله يبني گوم واسمع عتبي

مظلمه الدنيه وما اوچّد دربي

من شفت مهدك خالي صوب گلبي

ظهري انحنه وعيني اعله مهدك تربي

گلبي صاح بصوت فاجده الغالي

بيا ذنب مذبوح والمهد خالي

* * *

ابليل المصيبه امدوهنه وسهرانه

والگلب ما يخمد جمر نيرانه

ضنيت ترجع للمدينه ويانه

ما ادري ابگه ابكربله حيرانه

يبني يا مصيوب خابت آمالي

بيا ذنب مذبوح والمهد خالي

* * *

يا غصن عمري ويا ربيع المهموم

ويا طير سعدي البلأمل چان يحوم

چاوبني ليش امغسَّل ابفيض دموم

ومن گبل ميعاد الفطامه مفطوم

مهجتي اتناغيك والدمع هالي

بيا ذنب مذبوح والمهد خالي

* * *

يا شغف گلبي ويا ملاحة عمري

ويا نسمة الريح اللي تشرح صدري

تنذبح يا عبد الله ما چنت ادري

من گبل نحرك ريت گطعوا نحري

ولا اشوف اليوم جسمك گبالي

بيا ذنب مذبوح والمهد خالي

* * *

يا دمعة المحبوسة بعيون امك

وسدت گلبي اعله الترايب يمك

والروح صارت مهد يبني لجسمك

چبدي يهزك والدليل ايشمك

يا امل روحي وثمر دلالي

بيا ذنب مذبوح والمهد خالي

* * *

آنه الرباب وعالمهد محنيه

ونار الحزن تنطفي وتسعر بيه

ومن شفت جثتك يا طفل مرميه

اهجس تهدَّم ركن بيتي عليه

يبني يا عامود بيتي العالي

بيا ذنب مذبوح والمهد خالي

* * *

يا كاسر الصيف اللذي ايفييلي

عگبك مرار الدهر هدّم حيلي

متحيره وچف الأجل يوميلي

وما ميّز انهاري بعد من ليلي

ابغيبتك يبني غايب هلالي

بيا ذنب مذبوح والمهد خالي

 

 

التوقيع

متغيب لظروف صحيه
دعواتكم

   

رد مع اقتباس
قديم 01-28-2010, 09:34 PM   رقم المشاركة : 3
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

افتراضي رد: (( قصائد مكتوبة عن الطفل الرضيع (ع)


لماذا قتلوه
غــــــريب أيــــــودّع العيــــله الغريبه

وزيـــــنب صـاحت ابصوت المصيبه

هــــــاك اخــــذ الطـــفل هاك خـــــل يــــــــنذبـــح ويـــــاك

وزيـــــنب صـاحت ابصوت المصيبه

* * *

هـــايم ابـــــــعالم شعــــوري وانظر ابعين المصيبه

والمـــــشاعر جـــسّدتلي صور عن الطف عجيبه

شفـــــــت أبـــــو السجـــاد واگف يم العيال الغريبه

والحــــــرم مگـــطوعة امـل والدمــــع عـــــالوجنه همل

واشــــلون تـــوديع الحـصل بيـــــــن محـــــبوب وحبـيبه

دمـــع وفـراگ واحزان ونوايب

لن يستـــمع صوت امّ المصايب

تصـــــــيـــح الطـــفل بحماك خــــــــل يـــــــنذبح ويــــــاك

وزينب صاحت ابصوت المصيبه

* * *

هـــالرضيع مــــــن ايد زينب سلمته لايد أبو اليمه

او والده ابصـدر العواطف والحنان لصدره ضمّه

يقبّله ابرگبــــته التــــزهي ويلـــــــثم اجبينه ويشمّه

ودمــــوع أبــــو اليمه تـسح مـــوقف رضيـــــعه متضح

مـــــثل الحــــــــمامه التنذبح ومـــــن رگــــبـته يسيل دمّه

وهــاي امّه الرباب احنت ظلعها

وتخـــــاطب أبـــــو اليمه بدمعها

هـــــذا الطــــــفل يهــــــــواك خـــــــل يــــــــنـــذبح ويـــاك

وزينب صاحب ابصوت المصيبه

* * *

بـــوسط صيـــــــوان النــــــبوّه حـاله تمتاز بحزنها

والـــــــرباب أيــــــــشب گــــــلبها لمّن تشاهد ابنها

گبــــــــل رمـــــيات المصيــبه سهام فگده صوّبنها

معــــوله ومـــاخذها الحزن ابــــلوعتها بـــــاللوعه تحن

تــــفسر الصـــخر لمن تون وصــــار فـــــن النـوح فنها

وزينـــب شــــاهدت امّه الحزينه

يــــم مــــهده تصيـح الطفل وينه

يــــــــبو الــــــسجاد ارجــاك خــــــل يــــــنذبح ويـــــــــاك

وزينب صاحت ابصوت المصيبه

* * *

آنـــــه ام الطــــــفل آنــه وتدري خانتـــــني الليالي

عگـــب عبد الله الرضيع ايصير حال الكدر حالي

تدري اصعب كل مصيبه من تشوف المهد خالي

هـــــاي الربــــاب المـــعولـه تصــــيح ابــــــمدامع هامله

مـــــا چـــــنت ادري بـكربلا يصيـــر شرب الماي غالي

هــــذا المــــاي ملك امّك الزهره

وابنك بالعــــطش ملتهب صدره

اخـــــــذ الـــــطفل لعــــــــداك خــــــل ينــــــذبح ويــــــــاك

وزينب صاحت ابصوت المصيبه

* * *

حسيـــن مـن شاهد الموقف سالت دموعه اعلى خدّه

اخذ عبـــــد الله الــــــــرضيع لآل اميــــه وزاد وجــــده

صـــاح هــــــذا الطـــــفل ذاب وبالعــطش ملتهب چبده

هالطـــفل چـــــــبده ملتهــب لا تــــمنعونه مــــن الشرب

وانچــــــان الــي وياكم ذنب هـــــالطفل يـــــا ذنــب عنده

يــناشد لچــــن يـــا وسفه جوابه

تعـــــنّه حـــــرمله وللطفل صابه

صاحــــــه ارتوي من دماك خــــــل يــــــــنذبح ويـــــــاك

وزينب صاحت ابصوت المصيبه

* * *

حسيــــــن مــــــن نــحر البرائه اخذ دم الطفل بيده

للســـــــمه أرمــــا وصاح بــيا ذنب گطعوا وريده

ما نزل للارض دمّــــــه بهـــــــاذي اسرار البعيده

لـــن سمع صوت من الخيم يحــــــسين دلاّلــــي عـــــلم

عبـــــد الله بالنـــــــبله انفطم والســــــهم طـــــوّگه لجيده

آنـــه ام الحــــــزن فاجده الغالي

اصد اعلى المــهد والمهد خالي

بطفـــــــلـــك گــــلبي وصّاك خـــــل يــــــنذبــح ويــــــــاك

وزينب صاحت ابصوت المصيبه

* * *

رد أبـــــو الــيمه لخـيامه وبيده طفله افغرت روحه

للطفل ضمّه اعــــلى صدره خاف عين امه تلوحه

مادره ابگلب الرباب اعلى السبي انفتحت جروحه

مــــن شــاهدت عبد الله بيد المظلوم

جسمه الشريف امغسّل بفيض دموم

وگبل الفطـــامه ابســـهم ظالم مفطوم

لبــــــو اليــــــمه بــــــالمخيم والطفل سلّمه لــزينب

عگـــــب مــــــا ودّع العيله لگطعت المنحر تأهّب

مثـــل گطعت نحر عبد الله انگطع نحره وتخضّب

وحسيــــــن لمّـــن وگع فوگ الغبره

شاهدنـــــه دم طـــــبره يكــت ابطبره

والخــــــيل داســــت بالحوافر صدره

بالســــــهام وبـــالسيوف انذبحوا حسين ورضيعه

* * *

 

 

التوقيع

متغيب لظروف صحيه
دعواتكم

   

رد مع اقتباس
قديم 01-28-2010, 09:35 PM   رقم المشاركة : 4
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

افتراضي رد: (( قصائد مكتوبة عن الطفل الرضيع (ع)


الطفل الرضيع
(عگيلي)

عبـــد الله ابـــــنبله أيـــفطمونه

* * *

يــــبن العسكر مــــن ظل وحده حسيــــن ومــا من ناصر عنده

رد لعـــــياله ايجـــــدد عــــهده بآخـــــر تــــوديـــــع ايودعونه

* * *

مـــــن رد حــــسين اتـــــــلگنّه ربّات الخـــــدر أيــــــودعــــنّه

واعـــــليه أهــــون وايــــشمنّه وحسين ايشـــــوبح بــــــعيونه

* * *

يشـــــوبح بعـيونه اعله اطفاله واعلــــه فـــراگه ايصبر عياله

عبــــــد الله ابـــــمهده اتراواله ناشد عـــــن امـــــه المـحزونه

* * *

زيــــــنب نـــــادت يـــابو اليمه طفلك ذايـــــب گـــــلبه وجسمه

وظـــــلت امـــــه بـهمها وهمه وموتـــتها اعـله ابنك مضمونه

* * *

نـــــاداها اعـــــليّه ابعـــــبد الله مهــــــموم وبـــــي خـل اتسله

اتــــعنت بـــي لحســـين اتحمله للوالي ابطــــــفله أيــــــسلونه

* * *

ضــــم حســـــين بطفله لصدره راد ايطفّـــي لابــــــنه الجــمره

لــــن أيــــشوف النــبله ابنحره الطفل بيــــــا ثــــــار أيـطلبونه

* * *

مــــن دم نـحره الطفل اتخضب والوالــــــــد بــصوابه اتصوّب

صاح مـن ايدي اخذي يا زينب ودّيه لأمـــــــه المــــــحزونــــه

* * *

اتـــــودّيه لأمـــــه بـــــــيا حاله وبالمدمــــــــع ظــــلت تــبراله

مـــــذبوح ابــــــنبلة چـــــــتاله والمهده اشــــــلون يـــــودونه

* * *
عبدالله جاوبني ..
يالحاله عذبني ..

يا بدري الي راح ..
فتني فـﮕد الاحباب ..
ماترد عليه جواب ..

عبدالله جاوبني ..

مات الماي و ما ذﮔـته ..
يا عايفني و لا عفته ..

و على ذراعي ..
لكل ناعي ..
ربيعك يالولد شلته

موتي بذبحتك متى ..
وقع ياوليدي الخفته ..

في عين الله ..
يا عبدالله ..
في عين الهادي و بنته

يالسهمه بيه صاب ..
حتى الصخر له ذاب ..
تمنيت اشوفك شاب ..

آه يبني .. آه يبني ..
*** *** ***

عبدالله جاوبني ..
يالحاله عذبني ..

يا بدري الي راح ..
فتني فقد الاحباب ..
ماترد عليه جواب ..

عبدالله جاوبني ..

حارت وﮔـفتي بدمك ..
نسيت همومي بهمك ..

و كل خوفي ..
على ﭼفوفي ..
من تشوفك تموت امك

ابـﮕـى بحيرتي يمك ..
تضمني بحسرة و اضمك ..

و اهل عيني ..
على ﭼفيني ..
لو أرجع خيمتي بسهمك

و شلون أرد الاطناب ..
و ﭼن امك على الباب ..
تترﮔـب الغياب ..

آه يبني .. آه يبني ..
*** *** ***

عبدالله جاوبني ..
يالحاله عذبني ..

يا بدري الي راح ..
فتني فقد الاحباب ..
ماترد عليه جواب ..

عبدالله جاوبني ..

آياتك دمع من دم ..
يا أﮔـصر سورة بمحرم ..

حفظناها ..
تليناها ..
و سـﮕاها بكاسه المحتم

شَوصف نحرك المحكم ..
و لحالك ياهم اتألم ..

ألم و أفجع ..
حزن و أسطع ..
و أشد و أعظم بالمخيم

يا دمعي السياب ..
ذبحك فطر الكتاب ..
شاجاوب العتاب ..

آه يبني .. آه يبني ..
*** *** ***

عبدالله جاوبني ..
يالحاله عذبني ..

يا بدري الي راح ..
فتني فقد الاحباب ..
ماترد عليه جواب ..

عبدالله جاوبني ..

واﮔـف وﮔـفة محير ..
أرد للخيمه ما أﮔـدر ..

و على ايدي ..
دم وليدي ..
تعبت لزينب أتعذر

شـﮕرحها بعد أكثر ..
شهوي ليها من منظر ..

نفذ صبري ..
و خلص عذري ..
و عذر ما عندي أتصور

وشـﮕد أملها خاب ..
يمحير الألباب ..
تتسلى من اي باب ..

آه يبني .. آه يبني ..
*** *** ***

عبدالله جاوبني ..
يالحاله عذبني ..

يا بدري الي راح ..
فتني فقد الاحباب ..
ماترد عليه جواب ..

عبد الله جاوبني

 

 

التوقيع

متغيب لظروف صحيه
دعواتكم

   

رد مع اقتباس
قديم 01-28-2010, 09:36 PM   رقم المشاركة : 5
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

افتراضي رد: (( قصائد مكتوبة عن الطفل الرضيع (ع)


هـالطـّفـل لهفـان ودنت منّه الـمنيّـه هالكثر ماعدكم رحم يَجنود أمـيّـه
]
غـارت عيـونـه مـن ظماه وذبـل عوده نشْفَت ارياقـه و انمحت وَرْدَة اخدوده
و احنا العلينا الماي حرّمـتوا وروده و الطّفل شنهو جرمته ردّوا عليّـه
------------------------
من وقْفتَه بطِفْله الجيش اتحزّب احـزاب منهم خوارج يصحبون قـلوب نصّـاب
و الطّهر واقف ينـتظر بَسْ رد لجـواب لنّ الرّضــيع اتّطـوّق بسَهْم المنـيّـه
------------------------
فَرْفَرْ على رقـبة ابـيّه و شبك بـيده وفارقت روحه و السّهم فـاري وريـده
والسّبط جر السّهم من رقبة اوليده وصعّد دمومه يشتكي الربّ البريّـه
------------------------
ردّ بالرّضيع و فرّت سكينه تناجيـه بالـمـاي روّيته يبويه و وين باجـيـه
قلبي تفطّر ليت وادي الطّف ما جيه إنطاها الطّفل و امْدامعـه بخَـدّه جريّـه
------------------------
بسْ عاينتّه بسَهَم مقطوع الوَريديـن وطار القلب منها وغدت تخمش الخدّين
طبّت الخيمه والحرم حفّت الصّوبين وضجّت فـرد ضجّه الحريم الهاشمـيّه
------------------------
صارت الضجّه ورد ابو السجّاد مألوم ينـادي اشهالصّيحه يَـزينب يـم كلثوم
بالهون نوحَن ياحراير شِمـْتَت القوم طلعت الحورا تِجْذِب الونّـه خفيّه
------------------------
تقلّه مصاب الطّفل فـت قلوب لعـيـال تدري اشْيِسَوِّي بالثّواكل فقد لطفال
لكن يخويه حسين شيله يهوّن الحـال ودفنه عساها تهون هالضّجّـه شويّه

مصرع رضيعه ورجوعه به الى امه '
يطلب النّاصر والمعين من العدا حسين والطّفل من مهده وقـع بـين النّساوين
]
لـبّيك نادى و الحرم ضجّت ابولوال ومن سمع صيحتهن إجـا يسْتَخْبر الحال
ويصيح خفّوا من البجا وسَكتوا هلطفال يختي يَزينب شمْـتت علـينا الملاعـين
------------------------
قالت يَبَعد اهلي الطّفل من سمع نخواك مْن المهَد ذَبْ روحه يَبو سِكنه ولبّـاك
بلكت يرحمونه الا دخْذه وياك يبْسَتْ اشفاته امن العطش ومغمّض العين
------------------------
راح بكتاب الله و طفله يخاطب القـوم وبن سعد صاح بحَرمله القاسي الميشوم
وارداه يَـم المصحف بْمَنْظَر المظلوم وسهمه فرى نَحْر الطّفل وين لمسلمين
------------------------
بيـده رفع دمّه الرب العرش شكّاي ينادي علىصدري انذبح طفلي يمولاي
وسكنه تنادي وين بويه فاضـل الماي قلهـا سقاه السّهم من دمّ الوريدين
------------------------
منّه خـذتَّـه وجـابـتَـه بالحـال لـمَّـه بالمهـد خـلّتـه غسـيـل بفيـض دمّـه
نوبٍ تشيل ايده و تقبّلها و تشـمّه ونـوبٍ تقلّه ليش ساكت ياضيا العـين
------------------------
يَـبني قلت لك لاتصيح امّك نحيله ماقلت لك تسكت ابهالسّكـته الطّويله
ناغي أخيّك يا سـكينه وحرِّكي لـه بلكت يفك عينه ومنّه نسمع ونـين
------------------------
يَـبني يَعَبد الله قلِت لك هـيّد ونـام ما قلت يبني نام نومـه طول الايّام
بيمَن اتْسَلّى لو فقدتّك يابن الايمام عندي ولد غيرك واقولن والده حسين
------------------------
ساعة رضاعك ياثمر قـلبي قلِتْ ليك لاتخمش بْصَدري ولا تِرفس بـرجليك
ماقلْت الك تهْدأ وحتّى النّفس مابـيك مَتردّد الانفاس روحك يالولد وين

 

 

التوقيع

متغيب لظروف صحيه
دعواتكم

   

رد مع اقتباس
قديم 01-28-2010, 09:36 PM   رقم المشاركة : 6
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

افتراضي رد: (( قصائد مكتوبة عن الطفل الرضيع (ع)


قصيدة (رضيعي)
على طور (الهي بسمك الاعظم)
رضيعي ....رضيعي من فگدته هاجت احزاني
ودموعي .....دموعي تجري نار و تحرگ اجفاني
شيصبرني على بعدك........انحنة ظهري إعلة فگدك
و دموعي تجري نار و تحرگ اجفاني
رضيعي إلي يناغيني بكل يوم ...... وتسحرني بسمتة
مناظر وجهه تجلي عني لهموم ..... اخذ گلبي بضحكتة
يوم الجاه ذاك القضا الميشوم ....... و أفرالة رگبتة
على چف الولي مخضب الدموم ...... يويلي من نظرتة
گلت آه ......گلت آه إعلة طفلي و نبض دلالي
و ويلاه ......و ويلاه إعلة حالي عگب هألغالي
بعد منهو اليردك........ انحنة ظهري إعلة فگدك
و دموعي تجري نار و تحرگ اجفاني
چنت طول الليالي أسهر إوياك ....بأفراح و أماني
إحلمت عريس يا ضي عيني ألگاك .... يا فرحة زماني
و إذا ذبني الزمن أحتمي بحماك .... و ألوذ بسدك آني
يا وسفة الزمن تاليهة بدماك .... هيِمني و دهاني
انة امك ........انة امك يا رضيعي واحلم بعرسك
واضمك ........واضمك بالسعادة و أفرح بهمسك
إنفجع گلبي اليودك........ انحنة ظهري إعلة فگدك
و دموعي تجري نار و تحرگ اجفاني
رضيعي و طول ليلي چنت اناغيه........ و يفرحني دلالة
و أصيحن يا إله الكون إحميه .... يا رب الجلالة
ما ظنيت يفجعني الدهر بيه .... و يفارگني جمالة
و أظل طول العمر أنحب و أناديه .... و يسامرني خيالة
كئيبة .... كئيبة صارت الايام من دونك
و صعوبة .... صعوبة أگدر انسة نظرة عيونك
فكر قلبي يجسدك........ انحنة ظهري إعلة فگدك
و دموعي تجري نار و تحرگ اجفاني
مظنيت الحلم يتبدد بساع ........واشوفك يبني يمي
على چفوف الأبو ومنزوع القناع.... بنحرك سهم مرمي
چنت منتظرتك و الگلب ملتاع .... وسف رديت مدمي
شمصعبهة علــَـي لحظات الوداع .... انفجعت و دمعي يهمي
فجيعه ......فجيعه يوم شفته السهمك بنحرك
وابيعه ......وابيعه لعمري كلة و أشتري عمرك
شتفيد أيامي بَعدَك ......... انحنة ظهري إعلة فگدك
و دموعي تجري نار و تحرگ اجفاني

يعبد الله وسافة بسهم الاحزان .... تصيبك آل أمية
على ذراع الحسين تموت عطشان .... تلوج إمن المنية
دم الي سال من منحرك القربان ... قدمتة هدية
للكرار علي و لسيد الاكوان .... و الزهرة الزچية
هديتة .... هديتة دمك إلي سال للعترة
فديتة .... فديتة و إجذبت يم مهدك العبرة
أنوح و خالي مهدك ..... إنحنة ظهري إعلة فگدك
و دموعي تجري نار و تحرگ اجفاني
إجاني صوت من منحرة المذبوح .... يا يمة إصبري
أريد انقل خبر يشفيلچ جروح .... يا يمة إبشري
رح أبقى فوگ صدر حسين وح .... و حنانة يصير گبري
و يجي المهدي بنحيب و دمعة النوح .... يصيح و دمعة يجري
يمفطوم .... يمفطوم بسهم و إتوجرت نارك
أنة اليوم .... أنة اليوم إعتنيتك آخذ بثارك

و دموعي تجري نار و تحرگ اجفاني

 

 

التوقيع

متغيب لظروف صحيه
دعواتكم

   

رد مع اقتباس
قديم 01-28-2010, 09:37 PM   رقم المشاركة : 7
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

افتراضي رد: (( قصائد مكتوبة عن الطفل الرضيع (ع)


قصيدة عن الطفل الرضيع

شيلوا الطفل مني ............صوته يألمني
عطشان ومسقيته ........... لوعندي عطيته
ليته يكلمني ................... صوته يألمني

عطشان يمه ودمه منك الرتوي
ومن حنانك يمه والله احتمي
عن سهم يمه يجيني منحني
يقطع وريدي ومن دمي يرتوي
يمه عذريني ....... يمه اسقيني
....................................

شيلوا الطفل مني ............صوته يألمني
عطشان ومسقيته ........... لوعندي عطيته
ليته يكلمني ................... صوته يألمني

يابني اعذرني ترى قلبي انفطر
وطلبك يابني ترى منك اتعذر
شوفتك تصعب عليا ومقدر التصبر
ومك الزهراء تجي وتحظر المنظر
ليتك تكلمني ......... صوتك يألمني
..................................

 

 

التوقيع

متغيب لظروف صحيه
دعواتكم

   

رد مع اقتباس
قديم 01-28-2010, 09:37 PM   رقم المشاركة : 8
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

افتراضي رد: (( قصائد مكتوبة عن الطفل الرضيع (ع)


أخـي حـسـين
مقـادير الأسى تبدو بـأبصاري وأشباح الردى تعدو بمضماري
وحيدا صرت بين الجحفل الضاري بلا قوم ولا صحب وأنصاري
تريث يا أخـي أعطيك أسـراري قبيل الموت يا صوني وأستاري
غـريب وحـيـد
أخـي قف قبلما يحتاطـك العسكر فؤادي لاهب يغلي كما المجمر
وصايا أمـنـا فـي خاطري تسعر فدعنـي ألثم الأضلاع والمنحر
وطف ما بين ذي الخيمات كي تنظر وقلها جـمل التوديع بل أكثر


أخت يـا زينب أوصيك وصايا فاسـمـعي إننـي فـي هذه الأرض ملاق مصرعـي
فاصبـري فالصبر من خيم كرام الـمـترع كـل حـي سينحيه عـن الأحياء حيـن
واجـمعي شمـل اليتامى بعد فقدي وانظمي واشبعي من جاع منهم ثـم إروي من ظمي
واذكري أنـي فـي حفظـهمُ طُـلَّ دمي ليتنـي مــن بينهم كالأنف بين الحاجبين


سترينـي مفردا بين الصفـوف هدف النبل وطعنات السيوف
سوف يدمي حجر القومي جبيني وبسهم فـي فؤادي يرشقوني
هكذا والماء حقدا يـمنعونـي وعلى الرمضاء ملقىً يتركوني
سترين الشمر جاث فوق صدري عامدا بالسيف كي يحتز نحري
بعـدها بالخيل حتمـا يطئونـي إنـهم يا زينب لن يرحـموني


فصاحت يا أخي يكفي عليك اليوم والهفي فيا ويلي من الزحف علينا غائر
حنانيك فـلا تـرحل أكيد خِدرنا يُشعل إذا زحفُ العدا أقبل وأنت عافر
أتـرضانا نصيـر دون حامٍ أو نصير آهِ لو فرت من الدهشةِ أيتامي
ننادي يا حسيـن أين أنت الآن أين قم فأدركنا ألا يا أيها الحامـي
حيارى أمست الثكلى ودمع العين قد هلا حـمـاةٌ كلهم قتلى وقلبي صابر
خيامٌ بعدك تٌـحـرق صغارٌ بالثرى تُسحق نفوسٌ قلبها يصعـق برزؤِ العاشر
بكانا والرنين سوف يعلو ياحسين مابقى يا كهفنا المدمى لنا باقي
يتامى شارده مـن طغاة مـارده عطاشى مابقى فرد لـها ساقي


يـا غريباً يـا قتيل الفـراق يا أخـي صعبُ يدكُّ الأضلعا
إنـهـا مـا عودت خوفاً تـهلُّ الأدمعا

قف حبيب للوادع قبّل الأطفال ولــ تُمرر عليها الأصبعا
ضمّهـا قبل النؤى وامسح إليها المدمعا

بالـحنان فاسقـهـا قل لـها صبرا إذا جسمٌ إليك بضعا
وإذا ما السهم في لبِّ الفؤادي وقعا


ترفق يا حسين بـهذي العائلة
تصورها إذا ما تـحل النازلة
تأملها قليلا عسى تشفي الغليلا
كيف تحيا إذا شردت بالحدود
أنت يا عزها راحل لن تعود
أهل تقوى تراك عيون سائله
على صدرك هذا خيول جائله
تدوس الأعوجيه ضلوعا أحمديه
قبلوا نـحره والثموا صدره
ودعوا عزكم واذكروا أمره


******

قتلوه ظاميا تركوه عاريا
فاصرخوا حُـزناً عليهِ واحسينا

تــون تـحـن
إجت أم الطفل يـم زينب إتنادي طفلكم حاله والله يشعب إفّادي
ترى جف اللبن من دري يا زينب ولا أقدر أنظره عطشان أو يتعذب
أصد من حالته متغيـر الـوادي أوصاله تـرتعش منّه الدمع بادي
إجـت تـصـيح
على إيديها الطفل زينب لبو اليمه تنادي طفلك الظامي نشف دمّه
إخذ عبدالله روي له عطش چبده تـراها حالته يا خـويه مشتده
يخويه اطلب لطفلك قطـرة أميِّه قبل لا ينطوي عمره على ايديَّه


فدعا فـي القوم يالله للخطب الفظيع نـبـئونـي أأنا المذنب أم هـذا الرضيع
لا حـظـوه فعليه شبه الهادي الشفيع لا يكن شافعكم خصما لكمن في النشأتين
عجلوا نـحوي بـماء اسقه هذا الغلام فحشاه من أوام فــي اضطرام وكلام
فاكتفى القوم عن القول بتكلـم السهام وإذا بالطفل قـد خر صريعـا لليديـن

شافه لحسين اوجذب ونه أوتزفر سابـح ابدمّه أوصرخ الله أكبر
ربـي انظر فعلة أميه الفظيعـه سبط طه المصطفى ذبحوا رضيعه
مدري حالة أمه من تنظر طفلها يـا مصيبة أبـها الفيافي تحتملها
ذبـحتك يبنـي يعبدالله فجيعه لازم أمك تـهمل المدمع وجيعه
هالسهم فـي منحرك زاد البليه اشلون أرد للخيمه وادمومك جريه
يا وسف ظامي أفقدك يغالـي ياهي صعبه ينظرون المهد خالـي


رجع للخيمه بو اليمه أو طفله منذبح يمه ينادي قومي يا أمه أوشوفي الصاير
صغيرچ إنظري حاله سهم من حرمله جاله نفد في منحره أوغاله ونهَ له ناظر
شعبني هالمصاب إفرشي له يا رباب مقدر انظر يا حزينه حاله بعيونـي
عجل يـمّميمته إعدلي له أوسادته لا يظل عندي رضيعي إيزيد اشجوني
إجت أمّه أوخذت منه طفلها أونادت ابونه عجب ما تجذب الونّه يطفلي الظامي
صـقـتك أميّه بالنبله ولا چبدك أحـد بلّه مصابك ما شفت قبله ينور ايتامـي
يعبدالله الطفل مهجتي ما تحتمل أنظر أوصالك جموده أوُ ما إلك صيحه
دحاچيني ترى يالولد متمرمره شنهي هالنبلة يروحي أوُ شنهي هالطيحة


واقبلت سِكنه تصيح بويه روّيت الطفل واني نحيله امن العطش
إنظر إنظر حالتي ذبلانه أوجسمي يرتعش

قَـلْهـا يا سكنه أبد ما سقيت أرويحته خيِّچْ ولا جسمه انتعش
إنظرِ لهْ يا وسف سهم العدا ابنحره نهش

جات إلـه متحسره وانـحنت تتأمله ميِّت يويـلـي شافته
ضمته أو مسحت على نحره أوبچت من حالته

أوزينب عند أخوها إجت متعلّله
تنادي خويه والله دهتنه كربلاه

رضيعك فاقدينه بعد شنهو بـجـينه
قللي شنهو بـعـد هـا الأمر نشهده
كل إرجالك على الـ رمضى متمدده
بعد ساعه يخويه نشوف المعضله
إذا جسمك تفطر على ذاك إلفله
على حر الترايب يهي بعدك مصايب
راسك إعلى الرمح بالدمـه منغمس
والجسد منطرح منصهر بـالشمس

 

 

التوقيع

متغيب لظروف صحيه
دعواتكم

   

رد مع اقتباس
قديم 01-28-2010, 09:38 PM   رقم المشاركة : 9
معلومات العضو
سبع القنطره
فقيد المنتدى رحمه الله


 
الصورة الرمزية سبع القنطره
 
وسام الوفاء 
مجموع الاوسمة: 1 (أكثر» ...)
إحصائية العضو









سبع القنطره غير متواجد حالياً

 

 

 

افتراضي رد: (( قصائد مكتوبة عن الطفل الرضيع (ع)


يا ولدي يا عبدالله

قالــــــــــــولي عـــــــــــبد الله انفقد ظــــــــــــليت اعــــــــــــاين عالمــهد
والمهد خالي والمهد خالي
* * *
عــــــــبدالله يا زهرة دليلي المنفجع يا شمعة ايامي وبدر عمري اليــــشع
صبـــــــــيت دمعي بالوريد المنگطع بلچن يعبدالله يرويــــــك الدمــــــــــع
من غـــــــــــــــــبت عن عيني شفت سود الليالي
ليل ونهــــــــــــار امــــــــــــدوهـــنه وأعــــــــــــله المــــهد ظهري انحنه
والمهد خالي والمهد خالي
* * *
عبدالله من رفرف اجناح امصــيبتي ناديت والدمعات تجــــــــــرح وجنتي
ابفگدك يطير السعد زادت لوعــــتي ما أدري گطعوا رگبـــــــتك لو رگبتي
والنوح والـــــــــون والنــــــــــــحب عگبك حلالي
دمعــــــــــــي يعــــــــــــبد الله جــره وعيني أعــــــــله مهــــــــدك ساهره
والمهد خالي والمهد خالي
* * *
ساهره عيوني وأنشد نجوم الســـمه هم شايفه اهلال ايتخضب بالدمــــــه
روحي أعله مهدك بالمصايب حايمه انحب عليك وخل تلـــوم اللآيــــــــمه
ارخص ادموعـــــــــي البالجفــــــــن والدمع غالي
من شفت نحـــــــرك منگــــــــــــطع عــــــــــــالمهد صبــــــــيت الدمـــــع
والمهد خالي والمهد خالي
* * *
يا أمل روحي الما بعد عــــــدها امل دمعي مثل دمك يعبد الله هــــــــــــمل
يا وسفه عودك يا بعد بيتي ذبـــــــل والگلب چم نايبه وچم لوعـــــه حمل
والروح ظــــــــــــلت سارحــــــــــــه ابعالم خيالي
تتفايض عــــــــــــيوني دمـــــــــــــه وروحــــــــــــي اعـــله مهدك حايمه
والمهد خالي والمهد خالي
* * *
يا عـــين اشوفك يبني محزوز النحر مهمومه مظلومه وفـجع گلبي الدهر
عـــيون أمك انمهرت ابنبلات السهر وأعله المهد انحب وأشـــــبح بالنظر
راحــــــــن يوســــــــفه ابروحـــــتك عزي ودلالي
با صرني يهــــــــــلال السعــــــــــــد واشلون اهــــــــز مهــــــــدك بعـــــد
والمهد خالي والمهد خالي
* * *
عني رحت واتركت ورحي اموجـــله خليتني آنه وزمــاني وكربــــــــــــله
يا ريت صابت نحري نبلة حرمـــــله ولا شوف يبني دمــــوم نحرك سايله
يولـــيدي نــــــــــــبلة حرمــــــــــــله غيرّت حالي
مذهــــــــوله مــــــــا خـــذني الحزن واعله المــــــــهد أنحــــــــــــب وون
والمهد خالي والمهد خالي
* * *
لمن فصل نحرك يعــــــــبدالله السهم أهجس وگع بيتي وعلى راسي انهدم
ناديتك بصوت النوايــــــــب والألـــم يا ريت گبلك عـــــمري بألطف انختم
ساعــــة الطــــــــفّوا شمعــــــــــــتك تدري اشجرالي
لمن شفــــــــــــت دمـــــــــــك يصب عالمــهد ذبــــــــــــيت الگــــــــــــلب
والمهد خالي والمهد خالي
* * *
منصوب مهدك بين ضلــعي والگلب لو تحيا چان ارضعتك بدمعي اليصب
والدمعه لمن تنشف أعصرها غصب ما شافــــت أعيوني مثل هذا الخطب
بس المناحــــــــــــه والحــــــــــــزن والهم صفالي
هاك ارتوي بدمعــــــــــــي اليهــــــل ما أنســــــــه يومــــــــك يا لطــــــفل
والمهد خالي والمهد خالي
* * *

اجى حسين وقف اعلى باب الخيمة ينادي
ينادي اخته يناديها يزينب تعالي
اجت زينب يحسين آمرني يا دلالي
قلها يزينب احملي ليه اوليدي


ودي أضمه وألمه بين أحضاني
أشيله بجفيني وأقبل جبينه الغالي
جابته عمته يخويه احمله يا غناتي
قله بويه تعال اخليك على اذراعي



قبل اشفايا الرضيع القبلة الاخيره
نظر لحسين طفله النظره المريره
لكن سهم الاعداء اجى بنحر رضيعه
سبحت كربله بدم طفله عبدالله


انكتب بدم عبدالله أروع قصيده
اتسجلت بالتاريخ هذي أعظم ظليمه
انفجع قلب حسين بتلك الفاجعة العظيمه
سال دم طفله في أياديه الشريفه


طفل رضيع يناغي السما وجهه قمر أنار الملا
سهم العدو صوب نحره بعده ذبلت وردة كربلا
طفل صغير رضيع وش ذنبه ينذبح ظامي وسط العدا
الله يا مكبرها جريمه بحق كربلا بعده طفل يتغرق بالدما


نحرك يالرضيع شلال امن الدم جيش العدا صوبك يا عيني بالسهم
صوب نحرك الشريف ما بالا ولا اهتم بلا رحمه رموك وسال نهر الدم
أبوك حسين مسك نحرك جمع دمك بيده ولمك انذبحت يالرضيع اشفاتك ذبلانه ويابس حلقك

انجتلت وابتسامتك بوجهك انفتحت أبواب الجنه بقلبك
السهم الصوبك ياوليدي ليته صوبني وش حالي يعبدالله تقطع قلبي
عمه زينب عمه زينب تعالي شيليني عن صدر أبوي الحاني
مقدر أشوفه ينحني ظهره بيديني والله يا عمه العدا وش ذنبي صوبوني



قالت يا عمه لا تفطر قليبي اعله خيي السهم الصوبك جنه يا عمه في وريدي
خويه يحسين وش ذنبه الطفل ينذبح ظامي يا خيه العدا ما قصروا والله فيني
قوم ياوليدي لا تروح للمنية المنية اجت فيك قبل تجي فيني
عبدالله طفل ويموت عطشان ينكتب أنحرم من زهرة اسنيني

لسان حال الرباب

آه ياوليدي يامذبوح
ياسلوتي وروح الروح
سهم اللي صابك بالمنحر
صوّب گلبي وچبدي اتفطّر
وانه امك ماابطل النوح
آه ياوليدي يامذبوح
بمصابك ماغمضتْ عيني
وعگبك صارت وحشه اسنيني
منظر مهدك ظل ياذيني
واذكر من چنت اتناغيني
بعدك بس دمعي ايسليني
مااحمل فرگه وتدريني
ومن افراگك روحي اتروح
آه ياوليدي يامذبوح
ياسلوتي وروح الروح
سهم اللي صابك بالمنحر
صوّب گلبي وچبدي اتفطّر
وانه امك ماابطل النوح
آه ياوليدي يامذبوح
×××××××××××××
ياعبدالله العمر يجري
وعلى امصابك خلص صبري
عگب عمرك شلي ابعمري
ياعبد الله لون تدري
سهم نحرك ذبح نحري
ورماني ومارحم دهري
وزاد اجروحي التدّي اجروح
آه ياوليدي يامذبوح
ياسلوتي وروح الروح
سهم اللي صابك بالمنحر
صوّب گلبي وچبدي اتفطّر
وانه امك ماابطل النوح
آه ياوليدي يامذبوح
××××××××××××
اوطيفك ياابني يالغالي
يظل ابنومي يبرالي
ياسعدي انته وضوه اهلالي
ابغيابك غابت آمالي
امن اعاين مهدك الخالي
ايتراوه وجهك ايلالي
وجهك ظل شابح ويلوح
آه ياوليدي يامذبوح
ياسلوتي وروح الروح
سهم اللي صابك بالمنحر
صوّب گلبي وچبدي اتفطّر
وانه امك ماابطل النوح
آه ياوليدي يامذبوح
××××××××××××
عتب ياابني وعتب مشروع
عتب گلب امك المفجوع
گلبهه اعليك ظل مشلوع
سگط لو ماتلزمه اضلوع
ضوت لاجلك عمرهه اشموع
وصفت تبچيك دم ادموع
دم امك عالخد مسفوح
آه ياوليدي يامذبوح
ياسلوتي وروح الروح
سهم اللي صابك بالمنحر
صوّب گلبي وچبدي اتفطّر
وانه امك ماابطل النوح
آه ياوليدي يامذبوح
××××××××××××
وبعد هاك استمع شكواي
ياروحي انته وامل دنياي
ابغيابك نار وسط احشاي
وصرت بالزاد اغص والماي
وحمام الدوح ون لبچاي
چنت مهدك اهز بهداي
عاين مهدك ظل وح
آه ياوليدي يامذبوح
ياسلوتي وروح الروح
سهم اللي صابك بالمنحر
صوّب گلبي وچبدي اتفطّر
وانه امك ماابطل النوح
آه ياوليدي يامذبوح
××××××××××××
ياوليدي وريت ابقه احذاك
يالغسلوك ابفيض ادماك
ابيا ذنب وذبحوك اعداك
ريت ابلحدك انه اوياك
چا شلّي ابروحي ابلياك
ولا اتصدّگ امك تنساك
ولاجلك امك فدوه اتروح
آه ياوليدي يامذبوح
ياسلوتي وروح الروح
سهم اللي صابك بالمنحر
صوّب گلبي وچبدي اتفطّر
وانه امك ماابطل النوح
آه ياوليدي يامذبوح
××××××××××××

تم النقل
نسالكم الدعاء لشعراء القصائد وناقلها للفائدة


 

 

التوقيع

متغيب لظروف صحيه
دعواتكم

   

رد مع اقتباس
إضافة رد

العلامات المرجعية

الكلمات الدلالية (Tags)
مكتوبة, الرضيع, الطفل, قصائد


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة



جميع الأوقات بتوقيت GMT +3. الساعة الآن 02:33 PM.


منتديات أبو الفضل العباس
Ads Management Version 3.0.1 by Saeed Al-Atwi
جميع الحقوق محفوظة لمنتديات أبو الفضل العباس عليه السلام
  سوالف البحرين لخدمات التصميم